Франциянинг Кулонс шаҳри мэри Даниэль Маррер расман ёмғирни тўхтатишни буюрди. Ҳудуд раҳбари тегишли фармон чиқарди, дея Le Figaro нашри хабар берди.
![](/static/2024/07/11/photo_2024-07-11_23-06-58-wUHlTsHt.jpg)
Фармонга кўра, 2024 йил 15 июлдан бошлаб ёмғир тўхтатилиши шарт. Октябрь ойининг охиригача ёғингарчилик ўрнига шаҳарда енгил шамоллар билан қуёшли об-ҳаво бўлиши керак.
Фармонни амалга ошириш учун Франциянинг шимолий қисмидаги руҳонийлар ва черковлар ректорлари масъулдирлар. Шаҳар ҳокими уларга ҳужжат мазмунини об-ҳаво яхши бўлишини таъминлай оладиган “юқори кучлар”га етказишни топширди, дейилади хабарда.
Француз мэри ноодатий фармон чиқариш қарорини узоқ давом этган ноқулай об-ҳаво шароитида шаҳар аҳолисининг кайфиятини кўтариш истаги билан изоҳлаган.
Мен ўзимга ҳозир одамларга табассум ҳадя қилишнинг айни вақти, деб айтдим, дейди Маррер.
Изоҳ (0)