Хитой—Қирғизистон—Ўзбекистон йўналиши бошқа мақсадли бозорларга мўлжалланган ва Евросиё маконидаги мавжуд йўлакларга рақобатчи бўла олмайди. Бу ҳақда Евросиё тараққиёт банки (ЕТБ) ҳисоботига таяниб, “Tazabek.kg” хабар берди.
Таҳлилчиларнинг фикрича, лойиҳа Россия Транс-Сибир темир йўли ва Хитойдан Қозоғистон орқали ўтадиган темир йўл коридорига рақобатчи бўлмайди.
Темирйўл йўналиши Евросиё транспорт тизимини ривожлантириш бўйича истиқболли лойиҳалар харитасида белгиланган. Юк ташиш салоҳияти йилига 7 дан 13 миллион тоннагача баҳоланмоқда ва қурилиш олти йилдан саккиз йилгача давом этиши мумкин.
Лойиҳа доирасидаги темир йўл линияларининг узунлиги 523 километрни ташкил этади – 213 километри Хитой ҳудуди, 260 километри Қирғизистон, 50 километри Ўзбекистон ҳудудидан ўтади. 90 та туннел, кўприклар, маҳаллий ҳамда юк ташувчи темир йўл станцияларини қуриш кўзда тутилган.
Евросиё транспорт тизимини ривожлантириш бўйича истиқболли лойиҳалар
Изоҳ (0)