“Реал” клуби дунёнинг энг иқтидорли ёш ҳимоячиларидан бири билан шартнома имзолашга яқин

Мадриднинг “Реал” клуби “Лилль” ҳимоячиси Лени Йорони сотиб олишга яқин турибди, деб хабар беради Mundo Deportivo.

Манбага кўра, “Лилль” Ёронинг трансфери учун 40 миллион евро олиш ниятида, аммо “Реал” футболчи билан келишувга эришган ва атиги 20 миллион евро таклиф қилишга тайёр.

Клублар ўртасидаги якуний келишув яқин ҳафталарда эълон қилиниши кутилмоқда.

Аввалроқ “ПСЖ” ҳимоячини ўз сафига қўшиб олишга уринаётгани ҳақида маълумот бор, аммо у “қироллик клуби”га ўтишни хоҳламоқда.

Маълумот учун, ўтган мавсумда Йоро барча турнирларда 44 та ўйинда қатнашиб, учта гол урган. Футболчининг клуб билан амалдаги меҳнат шартномаси 2025 йилнинг ёзига қадар амал қилади. Transfermarkt порталида берилган маълумотларга кўра, футболчининг бозор қиймати 50 миллион еврони ташкил қилади.