Евро—2024. Англия пенальтилар сериясида Швейцарияни енгиб, ярим финалга йўл олди

Футбол бўйича Европа Чемпионатининг чорак финалида Англия ва Швейцария терма жамоалари 6 июль, шанба куни ўзаро баҳс олиб борди.

Учрашувнинг биринчи бўлимида дарвозалар ишғол этилмади.

Иккинчи бўлимда ҳам фаворит деб ҳисобланган Англия ҳужумга ўтишга шошилмади. Швейцариянинг кам сонли ҳужумлари кўпроқ хавф туғдирди. Учрашувнинг 75-дақиқасида Эмболе ҳисобни очди. 

Учрашувнинг 78-дақиқасида Англия термаси бош мураббийи Саутгейт бирданига 3 та ўзгариш амалга оширди. Бу эса икки дақиқадан сўнг натижа берди. 80-дақиқада Бакаё Саканинг узоқдан йўллаган зарбаси голга айланди ва Англия ҳисобни тенглаштирди.

Учрашувнинг асосий дақиқаларида ғолиб аниқланмади. 

Шундан сўнг ҳакам экстра таймларга рухсат берди. Қўшимча дақиқаларда швейсарияликлар анчагина фаол ҳаракат қилди, аммо ҳисобни ўзгартиришнинг иложи бўлмади. 

Пенальтилар сериясида эса инглизларнинг қўли баланд келди ва ярим финалга йўл олди: 5:3

Евро—2024

Чорак финал

6 июль, шанба

Англия – Швейцария 1:1 (Пенальтилар сериясида 5:3)

Голлар: 1:0 — Эмболо (75), 1:1 — Сака (80).

Англия: Пикфорд, Уокер, Стоунз, Конса (Палмер, 78), Триппиер (Эзе, 78), Райс, Фоден (Александер-Арнолд, 115), Беллингҳем, Майну (Шоу, 78), Сака, Кейн (Тоуни, 109).

Швейцария: Зоммер, Родригес, Шер, Аканжи, Эбишер (Сиерро, 118), Жака, Фройлер (Амдуни, 118), Варгас (Видмер, 64), Ридер (Субер, 64), Ндое (Закариё, 98), Эмболо (Шакири, 109).

Огоҳлантиришлар: Шер (32), Кейн (67), Видмер (85).