Қорақалпоғистон Республикаси Рақобат қўмитаси томонидан 2024 йил 1-чораги давомида махсус ахборот порталидаги маълумотларга асосан давлат буюртмачилари томонидан амалга оширилган харидларда қонун талабларига риоя қилингани юзасидан ўрганиш ишлари олиб борилди.
Жумладан, Қорақалпоғистон Республикаси Олий таълим фан ва инновация вазирлиги тизимидаги ташкилотлари томонидан ўтказилган танлов савдолари бўйича ўрганишлар ўтказилганда жами 21 та ҳолатда умумий қиймати 15,1 миллиард сўмлик бўлган тегишли платформалар орқали амалга оширилган давлат харидлари ўрганилган.
Давлат харидлари танловларининг баъзиларида иштирокчиларга қўйилаётган малака талабларини баҳолаш мезонлари ишлаб чиқилмагани, айримларида ишлаб чиқилган мезонларда қандай ҳолатда юқори ёки паст балл қўйиш бўйича аниқ тартиб белгиланмагани натижасида харид комиссияси аъзолари томонидан иштирокчиларга асослантирилмаган баҳолар қўйилган ва харид ҳужжатларига мувофиқ таклифларни баҳолаш талаблари бузилишига йўл қўйилгани ҳолатлари аниқланган.
Мисол учун,
- Олий таълим муассасалари томонидан 16 та ҳолатда ўтказилган танловларда жами 14 миллиард сўмлик;
- Касб-ҳунар мактабларида учта ҳолатда ўтказилган танловларда жами 685 миллион сўмлик;
- Академик лицейларда иккита ўтказилган танловларда 359,8 миллион сўмлик ўтказилган танловлар ўрганиб чиқилган.
Ўрганиш натижалари бўйича Қорақалпоғистон Республикаси Рақобат қўмитаси томонидан бегиланган тартибда иш қўзғатилиб, бажарилиши мажбурий бўлган кўрсатмалар берилиб тегишлича чоралар кўрилган.
Эслатиб ўтамиз, январь охирларида Рақобатни ривожлантириш ва истеъмолчилар ҳуқуқларини ҳимоя қилиш қўмитаси автолизинг фирма хизматларидан фойдаланишда эҳтиёткор бўлишга чақирган эди. Ўтган йиллар давомида автомобиллар учун олдиндан тўловларни амалга оширган, бироқ белгиланган муддатда автомобиль етказиб берилмаган ёки тўланган пуллар қайтариб берилмаётган ҳолати бўйича 2000 га яқин мурожаатлар келиб тушган.
Изоҳ (0)