Qoraqalpog‘iston Respublikasi Raqobat qo‘mitasi tomonidan 2024-yil 1-choragi davomida maxsus axborot portalidagi maʼlumotlarga asosan davlat buyurtmachilari tomonidan amalga oshirilgan xaridlarda qonun talablariga rioya qilingani yuzasidan o‘rganish ishlari olib borildi.
Jumladan, Qoraqalpog‘iston Respublikasi Oliy taʼlim fan va innovatsiya vazirligi tizimidagi tashkilotlari tomonidan o‘tkazilgan tanlov savdolari bo‘yicha o‘rganishlar o‘tkazilganda jami 21 ta holatda umumiy qiymati 15,1 milliard so‘mlik bo‘lgan tegishli platformalar orqali amalga oshirilgan davlat xaridlari o‘rganilgan.
Davlat xaridlari tanlovlarining baʼzilarida ishtirokchilarga qo‘yilayotgan malaka talablarini baholash mezonlari ishlab chiqilmagani, ayrimlarida ishlab chiqilgan mezonlarda qanday holatda yuqori yoki past ball qo‘yish bo‘yicha aniq tartib belgilanmagani natijasida xarid komissiyasi aʼzolari tomonidan ishtirokchilarga asoslantirilmagan baholar qo‘yilgan va xarid hujjatlariga muvofiq takliflarni baholash talablari buzilishiga yo‘l qo‘yilgani holatlari aniqlangan.
Misol uchun,
- Oliy taʼlim muassasalari tomonidan 16 ta holatda o‘tkazilgan tanlovlarda jami 14 milliard so‘mlik;
- Kasb-hunar maktablarida uchta holatda o‘tkazilgan tanlovlarda jami 685 million so‘mlik;
- Akademik litseylarda ikkita o‘tkazilgan tanlovlarda 359,8 million so‘mlik o‘tkazilgan tanlovlar o‘rganib chiqilgan.
O‘rganish natijalari bo‘yicha Qoraqalpog‘iston Respublikasi Raqobat qo‘mitasi tomonidan begilangan tartibda ish qo‘zg‘atilib, bajarilishi majburiy bo‘lgan ko‘rsatmalar berilib tegishlicha choralar ko‘rilgan.
Eslatib o‘tamiz, yanvar oxirlarida Raqobatni rivojlantirish va iste’molchilar huquqlarini himoya qilish qo‘mitasi avtolizing firma xizmatlaridan foydalanishda ehtiyotkor bo‘lishga chaqirgan edi. O‘tgan yillar davomida avtomobillar uchun oldindan to‘lovlarni amalga oshirgan, biroq belgilangan muddatda avtomobil yetkazib berilmagan yoki to‘langan pullar qaytarib berilmayotgan holati bo‘yicha 2000 ga yaqin murojaatlar kelib tushgan.
Izoh (0)