АҚШда ўтказилган ижтимоий сўровномада фуқароларнинг 72 фоизи амалдаги президент Жо Байденни ақлий жиҳатдан лавозимида қолиши учун номуносиб деб ҳисоблашини маълум қилган. Бу ҳақда Ғарб тадқиқот институтлари ҳисоботларига асосланиб, Anadolu нашри хабар берди.
Сўровнома натижалари 30 июнь куни эълон қилинган. Унда қатнашган фуқароларнинг кўпчилиги — қарийб учдан икки қисмидан кўпроғи Жо Байден давлат раҳбари сифатида ишлаш учун зарур бўлган руҳий ва когнитив саломатликка эга эмас деб хулоса берган.
Сўровнома АҚШнинг CBS News ва YouGov агентликлари ташаббуси билан амалга оширилган. Ушбу тадбир мамлакат аҳолисининг ноябрь ойида бўладиган президентлик сайловлари олдидан ўз раҳбарига бўлган муносабатини аниқлаш учун ўтказилган.
Демократлар ва уларга хайрихоҳ бўлганларнинг 45 фоизи Байден соғлиғи туфайли президентлик пойгасидан чиқиши керак, дея муносабат билдирган. АҚШ президенти саломатлиги мамлакат имижи учун катта вазифа ўтаб бериши кераклиги айтилган.
Сўровномада, шунингдек, Дональд Трампнинг когнитив саломатлиги ҳақида ҳам саволлар бўлган. Трампнинг президентликка ақлий ва когнитив мослиги ҳақида сўралганда, 50 фоиз респондентлар “ҳа” ва 49 фоиз қатнашчилар “йўқ” деб жавоб беришган.
Байденнинг истеъфога чиқишига чақириқлар кучайиб бораётган бир пайтда Техасдаги республикачилар вакили Чип Рой вице-президент Камала Ҳаррисни Вазирлар Маҳкамасини чақиришга ва президент вазифасини бажарувчи сифатида вазифага киришишга ундаган резолюция эълон қилган. Ройнинг резолюциясида Байденнинг президентлик ваколатлари ва мажбуриятларини, жумладан, Олий бош қўмондоннинг вазифаларини бажаришга қодир эмаслиги бир неча бор таъкидланган.
Изоҳ (0)