Siberian Wellness — қатор маҳсулотлар ишлаб чиқариш ва кўплаб соҳаларга сармоялар киритиш билан шуғулланувчи глобал бренддир. Компания дунёнинг ўнлаб мамлакатлари, хусусан, Ўзбекистонда ҳам бир неча йирик лойиҳаларни амалга ошириб келади. Масалан, Наманганда барпо этилган янги кластер катта имкониятлар эшигини очади.
Наманганда барпо этилган йирик боғ
Siberian Wellness Наманган вилояти Чуст туманида ишлаб чиқариш ва қишлоқ хўжалиги кластерини ташкил этди. Мажмуа тўрт йил давомида қурилди. Бу даврда коммуникациялар уланди, махсус сув тозалаш тизими яратилди.
Мазкур кластер компания тарихида илк бор табиий қишлоқ хўжалиги тамойиллари асосида барпо этилган боғни ўз ичига олади. Ҳудудда шафтоли, ўрик, нок, бодом, олхўри ва узум мевалари етиштирилади. Мева кўчатлари Европа навларидан олинган.
Боғда жорий йилда 1000 тонна ҳосил олиш режалаштирилган. Кластер барпо этилиши янги иш ўринлари яратишда ҳам муҳим омил бўлмоқда. Ҳозирда боғда 80 нафар доимий ишчи фаолият юритади. Мавсумий ишлар учун эса 200 киши ёлланади.
Ишлаб чиқариш мажумаси
Кластернинг 4 гектар майдонида ишлаб чиқариш мажмуаси барпо этилди. Хусусан, мажмуанинг мева шарбатларни ишлаб чиқариш линияси фаолият бошлади. 2024 йил май ойида Siberian Wellness мажмуадаги биологик фаол қўшимчалар ишлаб чиқариш линиясини ишга туширди.
Мажмуанинг пектин ишлаб чиқариш линияси истиқболли йўналишлардан биридир. Siberian Wellness жамоаси пектин ишлаб чиқаришни самарали ва хавфсиз бажариш имконини берувчи технологиялардан фоядаланади. Бу бир вақтнинг ўзида атроф–муҳит ифлосланишиннг олдини олиш ҳамда рақобатбардошликни таъминлайди.
Маҳсулот сифатига кафолат
Ҳозирги кунда Siberian Wellness томонидан ташкил этилган кластер озиқ–овқат хавфсизлигининг энг юқори стандарти бўлган “ФССC 22000” сертификатлашидан ўтмоқда. Шунингдек, мажмуа маҳсулот ишлаб чиқаришда МДҲ давлатлари, Туркия, Форс кўрфази араб давлатлари, Малайзия ва Индонезия стандартларига мос келувчи “Ҳалол” сертификатига эга. Ишлаб чиқариш имкониятлари “ISO 14 001”, яъни атроф–муҳитни бошқариш бўйича халқаро стандартга мос келади.
Боғлар эса “Глобал Г.А.П” халқаро стандартига мувофиқ сертификатланган. Айни пайтда Ўзбекистонда Siberian Wellness “Глобал Г.А.П” сертификатининг энг йирик соҳиби ҳисобланади. Буларнинг барчаси маҳсулотлар хавфсизлиги ва сифатнинг энг юқори даражасини кафолатлайди.
Siberian Wellness келгусида боғлар майдонини 2000 гектарга етказишни режалаштирган. Компания томонидан Ўзбекистонга киритилаётган сармоялар мамлакатда янги иш ўринлари яратиш ҳамда соҳага замонавий технологияларни қўлаш йўлида салмоқли қадамлардан бўлади.
Сайт: uz.siberianhealth.com
Facebook: @siberianwellnessuzbekistan
Instagram: @siberianwellness_uzbekistan
Telegram: @swuzbekistan
Call center: +998 78 1138767
Реклама ҳуқуқи асосида.
Изоҳ (0)