Xorvatiya terma jamoasi va Madridning “Real” klubi yarim himoyachisi Luka Modrich faoliyatini yakunlash haqidagi savolga javob berdi.
“Hozir nafaqaga chiqish haqida gapirishning vaqti emas. Men abadiy futbol o‘ynashni xohlayman, lekin buning iloji yo‘qligini bilaman. Nafaqaga chiqqanimni e’lon qilishim kerak bo‘lgan kun keladi — hozir bu qachon sodir bo‘lishini bilmayman”, — deya Modrichning so‘zlarini keltiradi Madrid Xtra ijtimoiy tarmoqlarda.
Ma’lumot uchun, Xorvatiya terma jamoasi Yevro—2024 guruh bosqichining 3 turida 2 ochko to‘plab, 3-o‘rinni egalladi.
Eslatib o‘tamiz, Luka Modrich 2012-yildan beri “Real”da o‘ynab kelmoqda. O‘tgan mavsumda xorvatiyalik futbolchi “Real Madrid” safida barcha turnirlarda 46 ta o‘yinda qatnashib, 2 ta gol va 8 ta golli uzatmaga mualliflik qilgan.
Transfermarkt portalida berilgan ma’lumotlarga ko‘ra, “Los-Blankos” futbolchisining bozor qiymati 6 million yevroni tashkil qiladi.
Izoh (0)