“Championat.аsiа” сайтида Ўзбекистон терма жамоаси ҳамда “Ланс” клуби марказий ҳимоячиси Абдуқодир Ҳусанов Париж Олимпиадасида иштирок этиши ҳақидаги маълумот чоп этилди.
Сайт маълумотига қараганда, Лига1 клуби ўзбекистонлик футболчининг 24 июлдан 10 августга қадар давом этадиган Олимпиадада қатнашишига қарши эмас.
“Дарё”нинг ЎФАдаги манбаси ушбу хабарни тасдиқламади. Ташкилот матбуот хизмати футболчининг клуби билан келишувга ҳозирча эришилмаганини, музокаралар натижаси ҳақида расман маълум қилинишини айтиб ўтди.
Тимур Кападзе қўл остидаги Ўзбекистон Олимпия терма жамоаси “C” гуруҳида Испания, Миср ва Доминикан Республикасига қарши баҳс олиб боради.
- Испания билан беллашув 24 июль куни бўлиб ўтади.
- Нант шаҳрида Мисрга қарши бўлиб ўтадиган ўйин 27 июлда бўлиб ўтади.
- Ўзбекистон гуруҳ босқичининг сўнгги учрашувини Парижда Доминикан Республикасига қарши 30 июль куни ўтказади.
Изоҳ (0)