"Ал-Ҳилол" ҳужумчиси Неймар яқин келажакда кимлар жаҳон футболида юлдузга айланиши ҳақида ўз фикрлари билан ўртоқлашди.
“Келажак юлдузи? Менимча, “Палмейрас”дан Эстевао Бразилия футболида ўсиб бораётган ажойиб истеъдод. Менимча, у даҳо бўлади!” — Неймарнинг сўзларини келтиради ТNT Sports Brasil.
Олдинроқ Лондоннинг “Челси” клуби ўзининг расмий сайтида Бразилиянинг “Палмейрас”дан 17 ёшли вингер Эстевао Виллиан трансферини эълон қилганди. Футболчи инглизлар сафига 2025 йилнинг ёзида келиб қўшилади.
Эстевао Бразилиянинг “Крузейро” клуби тарбияланувчиси бўлиб, у ерда 2021 йилда “Палмейрас”га кўчиб ўтган. Жорий мавсумда ҳужумчи клуб сафида 27 та ўйинда майдонга тушиб, 8 та гол урди ва 5 та голли узатмани амалга оширди. Нуфузли Transfermarkt интернет порталига кўра, Эстеваонинг бозор қиймати 30 миллион еврони ташкил қилади.
Изоҳ (0)