“Championat.asia” saytida O‘zbekiston terma jamoasi hamda “Lans” klubi markaziy himoyachisi Abduqodir Husanov Parij Olimpiadasida ishtirok etishi haqidagi ma’lumot chop etildi.
Sayt ma’lumotiga qaraganda, Liga1 klubi o‘zbekistonlik futbolchining 24-iyuldan 10-avgustga qadar davom etadigan Olimpiadada qatnashishiga qarshi emas.
“Daryo”ning O‘FAdagi manbasi ushbu xabarni tasdiqlamadi. Tashkilot matbuot xizmati futbolchining klubi bilan kelishuvga hozircha erishilmaganini, muzokaralar natijasi haqida rasman ma’lum qilinishini aytib o‘tdi.
Timur Kapadze qo‘l ostidagi O‘zbekiston Olimpiya terma jamoasi “C” guruhida Ispaniya, Misr va Dominikan Respublikasiga qarshi bahs olib boradi.
- Ispaniya bilan bellashuv 24-iyul kuni bo‘lib o‘tadi.
- Nant shahrida Misrga qarshi bo‘lib o‘tadigan o‘yin 27-iyulda bo‘lib o‘tadi.
- O‘zbekiston guruh bosqichining so‘nggi uchrashuvini Parijda Dominikan Respublikasiga qarshi 30-iyul kuni o‘tkazadi.
Izoh (0)