Ўзбекистон ташқи ишлар вазири Бахтиёр Саидов Словения, Колумбия ҳамда Мўғулистоннинг Ўзбекистондаги янги элчиларидан ишонч ёрлиқларини қабул қилди. Бу ҳақда вазирнинг Telegram каналида маълум қилинди.
Маълум қилинишича, Словениянинг Ўзбекистондаги элчиси этиб тайинланган Даря Бавдаж Курет билан учрашувда икки давлат ўртасидаги кўп томонлама ҳамкорликнинг асосий устувор йўналишлари муҳокама қилинган.
Шунингдек, Колумбиянинг Ўзбекистондаги элчиси Эктор Исидро Аренас Нейра билан икки томонлама алоқаларни чуқурлаштириш, ишбилармонлик, сиёсий, маданий ҳамкорликни ҳамда халқ дипломатиясини ривожлантириш муҳимлиги таъкидланган.
Бахтиёр Саидовнинг маълум қилишича, Мўғулистоннинг Ўзбекистондаги элчиси этиб тайинланган Дааданхуу Батбаатар билан учрашувда олий даражадаги бўлажак учрашувлар, иқтисодий дипломатияни фаол илгари суриш, қўшма истиқболли лойиҳаларни ишлаб чиқиш, барча соҳаларда яқин ҳамкорликни ривожлантириш масалалари ўрин олган.
Изоҳ (0)