Эрон шимоли-шарқидаги Кашмер шаҳрида 18 июнь куни зилзила содир бўлиши оқибатида 4 киши ҳалок бўлди, 120 киши жароҳатланди. Бу ҳақда Эрон маҳаллий манбаларига таяниб, Al Arabiya хабар берди.
Манбада айтилишича, зилзила кучи 4,9 магнитудага етган. Табиий офат сешанба куни маҳаллий вақт билан 13:24 да кузатилган.
Кашмар губернатори Ҳажатуллоҳ Шариатмадарий зилзила қурбонлари ҳақида давлат телевидениеси орқали хабар берган. Вайронгарчилик оқибатларини бартараф этиш учун гуруҳлар фаолият юритаётгани айтилган.
Зилзила оқибатида ҳозирга қадар 35 киши касалхонага ётқизилган. Зилзила шаҳар ва унинг атрофидаги ҳудудларда асосан эски биноларга шикаст етказган.
АҚШ геологик хизмати зилзила эпитцентри 10 километр чуқурликда бўлганини маълум қилган. Эрон турли тектоник плиталар устида жойлашгани, бу плиталар қисқа ҳаракатга келгани зилзилани келтириб чиқаргани айтилган.
- Ўтган йилнинг бошида ҳам мамлакатнинг тоғли шимоли-ғарбий ҳудудларида, Туркия билан чегарада содир бўлган 5,9 балли зилзила оқибатида уч киши ҳалок бўлган эди. 800 дан ортиқ киши эса жароҳатланган.
- 2003 йилда ҳам Эронда жуда кучли зилзила кузатилган.
- Мамлакатнинг жануби-шарқидаги Бам шаҳрида 6,6 магнитудали зилзила юз бериши оқибатида 31 мингдан ортиқ одам ҳалок бўлган.
Изоҳ (0)