Россия президенти Владимир Путин 18 июнь куни тунда давлат ташрифи билан Пхеньянга келди, уни аэропортда КХДР раҳбари Ким Чен Ин кутиб олди. Бу ҳақда Кремль матбуот хизмати хабар берди.
КХДР раҳбари Россия президентини самолёт зинапоясида кутиб олган. Путин ва Ким Чен Ин фахрий қоровуллар билан ўралган қизил гилам бўйлаб юрган. Давлат раҳбарлари ўртасидаги мулоқот тўғридан тўғри учрашувдан сўнг бошланган. Деярли кортежга етиб борган етакчилар тўхтаб, бир неча дақиқа давомида бир-бирлари билан жонли суҳбатлашган. Шундан сўнг Россия президенти ҳамкасбини “Aurus” автомобилига таклиф қилган.
Россия ва Шимолий Корея ўртасидаги икки томонлама муносабатларнинг бутун тарихи давомида бу Путиннинг Пхеньянга 2000 йилдан кейинги биринчи ташрифи ҳисобланади. Путиннинг Шимолий Кореяга ташрифи икки кун давом этади, асосий учрашув 19 июнга белгиланган. Чоршанба куни турли форматларда музокаралар режалаштирилган, энг муҳими Россия ва КХДР раҳбарларининг юзма-юз учрашувидир.
Ташрифнинг расмий қисми 19 июнь куни тушда Путин ва Ким Чен Иннинг учрашув маросими билан бошланади. Анъанага кўра, Россия ва КХДР мадҳиялари янграйди, фахрий қоровул саф тортади, давлат раҳбарларига икки давлат делегациялари таништирилади. Кейин қароргоҳда Россия—Корея музокаралари бошланади.
Ташриф дастури
Россия президентининг ёрдамчиси Юрий Ушаков ташриф дастурида жуда қизғин, музокаралар, энг муҳими, Путин ва Ким Чен Ин ўртасида норасмий яккама-якка мулоқот кўзда тутилганини айтди.
“Айтганча, етакчилар ўртасидаги норасмий мулоқотга кўп вақт ажратилади, чунки делегацияларнинг айрим аъзолари иштирок этиши мумкин бўлган ушбу музокаралар давомида энг муҳим, энг нозик масалалар муҳокама қилинади”, — деди Ушаков.
Куннинг иккинчи ярмида қўшма ҳужжатлар имзоланиши режалаштирилган, музокаралар якунида Россия президенти ва КХДР етакчиси матбуот учун баёнот беради.
Энг муҳим ҳужжатлардан бири бу Россия ва КХДР ўртасидаги кенг қамровли стратегик шериклик тўғрисидаги янги шартномадир. Битим Россия ва Шимолий Корея ўртасида 1961, 2000 ва 2001 йилларда имзоланган фундаментал ҳужжатлар ўрнини эгаллайди.
Ушаковнинг сўзларига кўра, янги шартнома “дунё ва минтақадаги геосиёсий вазиятнинг чуқур эволюцияси, шунингдек, сўнгги пайтларда икки томонлама муносабатларда юз берган сифатли ўзгаришлари билан белгиланади”.
“Бу табиий равишда халқаро ҳуқуқнинг барча фундаментал тамойилларига мос келади, ҳеч қандай қарама-қаршилик характерига эга бўлмайди, ҳеч бир давлатга қарши қаратилмайди, балки Шимолий-Шарқий Осиё минтақасида янада барқарорликни таъминлашга қаратилган бўлади”, — деди Ушаков.
У янги шартнома ҳарбий-техник соҳадаги ҳамкорликни назарда тутадими ёки йўқлигига аниқлик киритмади.
“Шартнома имзоланса, у келгусидаги ҳамкорлик истиқболларини белгилаб беради ва у, табиийки, сўнгги йилларда мамлакатларимиз ўртасида халқаро сиёсат, иқтисодиёт, барча йўналишлар бўйича муносабатлар, жумладан хавфсизлик масалаларини ҳисобга олади”, — деган у.
Изоҳ (0)