Туркиянинг шимолий қисмида 18 апрель куни 5,6 магнитудали ер силкиниши юз берди. Бу ҳақда Anadolu нашри хабар берди.
Манбада айтилишича, зилзила Toкат вилоятида юз берган. Зилзила кучи Самсун, Ёзгат, Чанқири, Чорум вилоятларида ҳам сезилган.
Мамлакат шимолидаги Toкат вилоятининг Сулусарой туманида маҳаллий вақт билан кечки соат 18:11 да зилзила кучи сезилган. Табиий офатлар ва фавқулодда вазиятларни бошқариш бўлими талафот оқибатларини бартараф қилишга киришган.
“Айни дамда Ёзгат шаҳридаги 2 қаватли уй ва Сулусаройдаги бешта омборхона зарар кўрган”, — дейилади расмий хабарда.
Toкат вилояти губернатори Нўмон Хатипоғлу махсус баёнот эълон қилиб, ҳозирга қадар қурбонлар ёки тан жароҳати олганлар ҳақида маълумот келиб тушмаганини маълум қилган.
Изоҳ (0)