Argentinalik futbolchi Lionel Messi kelajakdagi rejalari haqida gapirdi.
“Futboldan ketishga tayyor emasman. Men butun hayotim mobaynida futbol ichida bo‘ldim, bu menga yoqadi. Mashg‘ulotlardan, har kunlik ishlardan va o‘yinlardan zavqlanaman.
O‘zimni murabbiy sifatida ko‘rmasligimni doim takrorlayman. Murabbiy bo‘lishni xohlamayman. Lekin hayotda shunday burilishlar bo‘ladiki, ularni oldindan bilmaysan. Shunday bo‘lsa-da, buning ehtimoli kam deb hisoblayman.
Ha, kelajakda ham futbol olamida bo‘lishni istayman, chunki bu mening hayotim”, — deydi “Inter Mayami” hujumchisi.
Leo 2003-yildan 2021-yilga qadar “Barselona” sharafini himoya qilgan. 2021-yildan 2023-yilgacha esa “PSJ” safida to‘p surgan. 2023-yildan buyon AQSHning “Inter Mayami” jamoasi futbolchisi sifatida o‘ynamoqda.
Izoh (0)