Китоблар — бошқа дунёга кириш порталидир. Вақтлар ўтса-да, ўз аҳамиятини йўқотмайдиган машҳур болалар санъат асарларини тақдим этамиз. Эҳтимол, улар туфайли баъзи саволларингизга жавоб топарсиз.
“Алиса мўжизалар мамлакатида”, Льюис Керролл
“Ўз ўрнингда қолиш учун имкон қадар тезроқ югуришинг керак ва бирор жойга бориш учун камида икки баробар тезроқ югуриш керак”.
Қизиқувчан ва жасур қиз Алиса хаёлий дунёга саёҳатга қилади. У ерда қиз сеҳрли ичимлик ичади, ғаройиб қаҳрамонлар билан учрашади, кирпи билан крокет ўйнайди ва ҳатто суд мажлисида қатнашади. Шунингдек, у вақтни қадрлашни ўрганади, бошини баланд кўтарган ҳолда олдидан чиққан қийинчиликларни енгиб ўтади ва ҳар қандай вазиятдан чиқиш йўлини излайди.
“Винни Пух”, Алан Александр Милн
“Сен ҳар доим ўрмон бурчагида ўтириб, бошқалар келишини кута олмайсан. Баъзан уларнинг олдига ўзинг боришингга тўғри келади”.
Дарҳақиқат, Винни Пух аҳмоқона тасодиф туфайли ноқулай вазиятларга тушиб қолади, аслида у бефарқ ва хаёлпараст айиқ эмас. Алан Милн қаҳрамони — меҳрибон файласуф, у бошқаларни чин дилдан севишни ва қадрлашни, шунингдек, дунёга ва унда содир бўлаётган барча нарсаларга ижобий нуқтайи назардан қарашни билади. Виннининг биринчи қарашда содда кўринган сўзларида чуқур маъно бор.
“Зумрад шаҳар сеҳргари”, Александр Волков
“Сизлар жасур жониворсиз! Сизга етишмаётган ягона нарса — ўзингизга бўлган ишонч. Ҳар бир тирик мавжудот хавфдан қўрқади ва жасорат қўрқувни енгишдадир”.
Яна бир қиз хаёлий мамлакатга боради ва ажойиб воқеаларнинг гувоҳи бўлади. Элли исмли бош қаҳрамон фидойи Тотошка билан бирга дўстлар орттиради, керак бўлганда уларни қутқаради ва эртак ҳаёти уни қандай ажаблантирмасин, умидини йўқотмайди. Асар саҳифалари ҳаётнинг маъноси, бахт, севги, дўстлик ва меҳрибонлик ҳақидаги фалсафий мунозаралар билан тўла.
“Кичкина шаҳзода”, Антуан де Сент-Экзюпери
“Одамлар тезюрар поездларга ўтиришади, лекин улар нима излаётганини тушунмайдилар. Шунинг учун хотиржамликни билишмайди ва бир томонга шошилишади, кейин бошқа томонга ... Буларнинг барчаси беҳуда”.
Чўлда қўнишга мажбур бўлган ва унинг чексиз кенгликларида митти болакайни учратган учувчи ҳақидаги ғамгин китоб. Болакай учувчи билан ёлғизлик, инсон табиати, садоқати ва сайёрамизнинг ҳар бир аҳолисининг атрофидаги дунё учун жавобгарлиги ҳақидаги таассуротлари билан ўртоқлашади. Ёш қаҳрамон, айниқса, қалбнинг “қаттиқлашиши”, севги ва дўстлик ҳақида қайғуради. Ҳар йили дунё бўйлаб беш миллионга яқин одам ушбу асарни сотиб олиши ажабланарли эмас.
“Қароқчи қизи Рони”, Астрид Линдгрен
“Бирор кишини шунчалик севиш қанчалик ажойибки, ҳатто ҳаётдаги энг ёмон нарсадан ҳам қўрқмаслик керак”.
Кунларнинг бирида жасур ва хушмуомала Рони безори Биркни учратиб қолади. Қиз аввалига унга ишонмайди, бироқ ота-онасининг эътирозларига қарамай, тез орада унинг яқин дўстига айланади. Янги дўстлар ҳатто уйдан қочиб кетишади — улар биргаликда ўзларини жуда яхши ҳис қилишади, улар катталарнинг йўл-йўриғига эргашишга ҳали тайёр бўлишмайди. Ёш қаҳрамонлар қалбга қулоқ солиш, ҳар қандай шароитда ҳам фикрини ҳимоя қилиш, чин дўстликни қадрлаш нақадар муҳимлигини ўз мисолида исботлайди.
Изоҳ (0)