Кўп қисмли сериалларнинг нимаси яхши? Севимли фильмингизни узоқ вақт томоша қиласиз. Аммо ҳамманинг ҳам энг қизиқарли сериалларнинг 10-20 фаслини кўришга вақти йўқ. Шунинг учун сизни ҳеч нарсага мажбурламайдиган мини сериалларни тавсия қиламиз: уларни бир оқшомда кўриб тугатишингиз мумкин.
“Муҳаббат жанги”, 2022/10 қисм
Ҳар нарсада бир-бирига таслим бўлишни истамайдиган эркак ва аёл ўртасидаги муносабатлар ҳақидаги ҳикоя.
“Қасос номидан” 2021 / 8 қисм
Отасининг ўлими учун қасос олиш мақсадида ўрта мактаб ўқувчиси полицияга ёрдам беради.
“Заиф қаҳрамон” 2022 / 8 қисм
Ёш Ши Эун заифларга нисбатан зўравонлик ва зулм авж олган мактабнинг энг яхши ўқувчиси. Бўйи паст ва заиф кўринса-да, ўз ақл-заковати билан мактаб ичида ва ташқарисида зўравонликка қарши курашади.
“Биринчи рақамли саундтрек” 2022/4 қисм
Йигит ёш фотограф. Қиз эса қўшиқларга матн ёзиш орқали пул ишлаб топади. Улар болаликдан — 20 йилдан бери дўст, аммо бирданига шундай вазиятлар юзага келадики, улар бир том остида яшашга мажбур бўлишади.
“Ажойиб дўстлар” 2022/8 қисм
Тўрт нафар қадрдон дўст — икки йигит ва икки қиз мода саноатида орзуларини рўёбга чиқаришга интилади.
“Сеҳр овози” 2022/6 қисм
Ўрта мактаб ўқувчиси Юн Аҳ Йи эрта катта бўлишига тўғри келади. У ишлаши, синглисини боқиши керак. Бир куни у учиб юрган банкнотни қувиб юриб, ташландиқ истироҳат боғида сирли сеҳргарни учратади.
“Қўшимча машғулот”, 2020/10 қисм
Ўрта мактабнинг аълочи ўқувчиси Чи Су ота-онасисиз яшайди. Университетда ўқиш учун пул йиғиш ва тирикчилик қилиш учун йигит жиноий фаолият орқали пул топишга мажбур. Бир куни бадавлат оиладаги синфдоши унинг сирини билиб қолади.
“Дўзаҳдаги бегоналар”, 2019/10 қисм
Сериалда компаниядаги стажировкадан сўнг Сеулга кўчиб ўтган Юн Жунг Ву исмли йигит ҳақида ҳикоя қилинади. Йигит ўзига квартира қидириб, умумий ётоқхонада яшашга қарор қилади, аммо бу ерда уни даҳшатли қўшнилар кутмоқда.
“Жаннат сари” 2021/10 қисм
Бир куни Геу Рунинг отаси вафот этади ва у ёлғиз қолади, лекин унинг
унинг ҳаётида амакиси Жо Санг Гу пайдо бўлади. Кўринишидан у совуққон, яна камига қамоқда ҳам ўтириб чиққан. Энди у Геу Рунинг васийсига айланади ва улар биргаликда оилавий бизнесни бошқаришда давом этадилар.
“Тўнғизлар қироли”, 2022 / 12 қисм
Мактабдаги зўравонлик қурбони бўлган икки дўст ҳақидаги ҳикоя. Улардан бири серияли қотилга айланади, иккинчиси эса полицияга ишга киради ва собиқ дўстини қўлга олиш учун ҳаётини хавф остига қўяди.
Изоҳ (0)