Ҳозирги кунда замонавий турк ижодкорлари кўпроқ қисқароқ сериалларни ишлаб чиқармоқда — энди узоқ кутилган финални бир неча ҳафта кутишингиз шарт эмас. Бундан ташқари, муаллифлар барча ҳайратланарли хусусиятларни - юракни титратадиган воқеалар, трагедия ва романтика, шунингдек, драматик чизиқларни сақлаб қолишган.
“Мария ва Мустафо” / 7 қисм
Ҳар қандай тўсиқларни енгиб ўтиши мумкин бўлган севги ҳақидаги ҳикоя, гарчи улар бошқа динларга эътиқод қилсалар ҳам. Бош қаҳрамонлар муносабатларини сақлаб қолиш учун оилаларининг эътиқодларига қарши чиқишлари керак, чунки қиз католик, йигит эса мусулмон.
“Ёшлигим” / 16 қисм
Турли оилалардан бўлган икки эркак ўз соҳаларида энг яхши бўлишга интилади ва рақобатчисидан ўзиб кетишни хоҳлайди. Кунларнинг бирида уларнинг одатий тартиблари остин-устун бўлиб, фарзандларининг келажаги учун умумий тил топишга мажбур бўлади.
“Томдаги муҳаббат” / 16 қисм
Қаҳрамонлар ўртасидаги муносабатлар чигаллиги Атеш ва Ясемин Йилмаз оиласидан уй-жой ижарага олиш учун ҳийла ишлатишга қарор қилган пайтда чигаллаша бошлайди. Шундай қилиб, ҳар бир киши ўзи хоҳлаган нарсага эришади, лекин айни пайтда нафақат ўзлари учун, балки атрофдагилар учун ҳам ҳаётни мураккаблаштиради.
“Болалик” / 11 қисм
Кўникиб қолган ҳамма нарсадан тўсатдан маҳрум бўлганда ҳаёт оғир туюлади. Тўрт қизалоқ шафқатсиз дунёнинг оғир ҳақиқатларига дуч келиб, Маҳир Бўзтепе бошқарадиган болалар уйига тушиб қолишади.
“Ўқитувчи” / 9 қисм
Мактаб ўқувчисининг ўз жонига қасд қилишидан кейин Акиф энди таниш нарсаларга хотиржам қарай олмайди. У аслида нима бўлганини аниқлашга қарор қилади. Унинг усуллари жуда тажовузкор бўлиши мумкин, лекин у ҳақиқатни очиш учун ҳамма нарсага тайёр.
“Янги ҳаёт” / 9 қисм
Бу инглиз телесериали “Тансоқчи”нинг ремейки, аммо бош қаҳрамон қироллик оиласи аъзоларини эмас, балки таниқли бизнесменни ҳимоя қилиши керак. Адем кўп нарсага бошқача қарайди, янги ишининг барча нозик томонларини қунт билан ўрганади.
“Бир онанинг гуноҳи” / 5 қисм
-Acr67xtA.jpg)
Одамлар оиласини сақлаб қолиш учун бор кучини сарфлайди: кимдир ўлдиришга қарор қилади, бошқалари эса ўлишга тайёр. Бир пайтлар ягона йўлдек туюлган нарса жиддий оқибатларга олиб келиши мумкин.
“Хизматкорлар” / 3 қисм
-8mtVCASK.jpg)
Бой оиланинг уйида хизматкор бўлиб ишлаганда қанча сирларни билиш олиш мумкин? Эда бу саволга жавобни ҳаммадан яхши билади, гарчи у шунчалик кўп интригаларга тўқнаш келишини хаёлига ҳам келтирмаган бўлса-да.
“Қаҳратон” / 10 қисм
Фирузе ва Аяз уларнинг тақдирларини доимий равишда ушлаб турадиган бутун бир воқеалар занжири билан боғланган. Улар бир вақтлар бир-бирларини севишган, лекин оилаларига қарши чиқа олишмаган. Нохуш ҳодиса уларни яна бирлаштиради, лекин уларнинг ҳар бири энди аввалгидек эмас.
“Қайғуда ҳам, шодликда ҳам” / 6 қисм
Меҳмонларларни қизиқ воқеалар билан ўзига жалб қилмоқчи бўлган тўй маросимларини ташкиллаштирувчи қиз ҳақидаги сериал. Лейла собиқ турмуш ўртоғи ва унинг янги севгилиси учун тўй базмини уюштиришига тўғри келади, натижада собиқ эридан ўч олиш йўлини топади.
Изоҳ (0)