Тошкент шаҳар ИИББ Йўл ҳаракати хавфсизлиги бошқармаси “Маъмурий амалиёт” ва “Рўйхатдан ўтказиш ва имтиҳон олиш бўлими” комплекс автоматлаштирилган ахборот тизимида узилишлар юзага келмоқда.
Пойтахт ИИББнинг маълум қилишича, бунга 10 июнь кунидан “Ягона автоматлаштирилган ахборот тизими”да техник профилактик ишлар олиб борилаётгани сабаб бўлмоқда.
Шунингдек, Тошкент шаҳар ИИББ МваФРБнинг қуйидаги тизимларида узилишлар кузатилмоқда:
- Ўзбекистон фуқаролари, фуқаролиги бўлмаган шахсларга ҳамда Ўзбекистонда доим яшовчи чет эл фуқароларига идентификация ID карта бериш;
- фуқароларни ҳамда фуқаролиги бўлмаган шахсларни, шунингдек, мамлакатда доимий яшовчи чет эл фуқароларини доим яшаш манзили бўйича рўйхатга олиш;
- вақтинча турган жойи бўйича рўйхатга олиш;
- Ўзбекистон фуқароларини доимий яшаш манзили ҳамда вақтинча турган манзили бўйича рўйхатга олиш.
Адлия вазирлиги матбуот хизмати раҳбари Севара Уринбоевага кўра, Ички ишлар вазирлиги биноси ёнидан ўтган ер ости кабелларида ёнғин ҳолати кузатилгани сабабли Давлат хизматларида паспорт ва манзил билан боғлиқ хизматларни кўрсатишда узилишлар бўлмоқда.
Аввалроқ Ўзбекистонда 112 ягона диспетчерлик хизмати ташкил этилиши, Ўзбекистонда Ягона интерактив давлат хизматлари порталидаги хизматлар сони 700 тага оширилиши тўғрисида хабар берилганди.
Изоҳ (0)