Маош минг доллардан юқори: ўзбекистонликлар Болгарияга ишга таклиф этилмоқда 

Инглиз тилини биладиган ўзбекистонлик лойиҳаловчи муҳандислар Болгарияга ишга таклиф этилмоқда. Бу ҳақда Ташқи меҳнат миграцияси хабар берди. 

Унга кўра, иш ҳақи муҳандислар учун — 1100 доллар, ойна ишлаб чиқариш ишчиси учун — 1110 доллар, электриклар учун эса — 832 доллар. 

Муҳандислар учун талаблар:

• қисмлар ва чизмаларни тайёрлаш, ишлаб чиқариш;
• ишлаб чиқариш чизмалари ва соҳага оид дизайн ишларидаги тажриба 4-5 йил;
• олий маълумотли қурилиш муҳандиси;
• инглиз тилини камида B1 даражада билиш.

Ойна ишлаб чиқариш ишчиси:

• дурадгорлик соҳасида иш тажрибаси (алюминий билан ишлай олиш); 
• иш тажриба;
• рус тилини мукаммал билиш.

Электрик:

• қўлда ишлайдиган электр асбоблар билан ишлаш;
• лойиҳани ўқиш қобилияти;
• соҳа бўйича эркин фикрлаш;
• рус тилини мукаммал билиш.

Умумий талаблар:

• 25-35 ёш (эркак);
• судланмаган:
• камида 5 йиллик тажриба.

Ётоқхона, авиачипта, иш рухсатномасини рўйхатдан ўтказиш, овқатланиш иш берувчи томонидан. Агентлик хизмати, виза, ўқитиш ва кўниктириш учун БҲМнинг 10 баравари миқдоридаги тўлов фуқаро ҳисобидан.

Рўйхатдан ўтиш (муҳандис).
Рўйхатдан ўтиш (ойна ишлаб чиқариш ишчиси).
Рўйхатдан ўтиш (электрик).

Ушбу талабларга мос келувчи фуқаролар қуйидаги ҳавола орқали 7 июнь соат 9:00 дан 18:00 га қадар рўйхатдан ўтишлари мумкин.