Maosh ming dollardan yuqori: o‘zbekistonliklar Bolgariyaga ishga taklif etilmoqda

Ingliz tilini biladigan o‘zbekistonlik loyihalovchi muhandislar Bolgariyaga ishga taklif etilmoqda. Bu haqda Tashqi mehnat migratsiyasi xabar berdi. 

Unga ko‘ra, ish haqi muhandislar uchun — 1100 dollar, oyna ishlab chiqarish ishchisi uchun — 1110 dollar, elektriklar uchun esa — 832 dollar. 

Muhandislar uchun talablar:

• qismlar va chizmalarni tayyorlash, ishlab chiqarish;
• ishlab chiqarish chizmalari va sohaga oid dizayn ishlaridagi tajriba 4-5 yil;
• oliy ma’lumotli qurilish muhandisi;
• ingliz tilini kamida B1 darajada bilish.

Oyna ishlab chiqarish ishchisi:

• duradgorlik sohasida ish tajribasi (alyuminiy bilan ishlay olish); 
• ish tajriba;
• rus tilini mukammal bilish.

Elektrik:

• qo‘lda ishlaydigan elektr asboblar bilan ishlash;
• loyihani o‘qish qobiliyati;
• soha bo‘yicha erkin fikrlash;
• rus tilini mukammal bilish.

Umumiy talablar:

• 25-35 yosh (erkak);
• sudlanmagan:
• kamida 5 yillik tajriba.

Yotoqxona, aviachipta, ish ruxsatnomasini ro‘yxatdan o‘tkazish, ovqatlanish ish beruvchi tomonidan. Agentlik xizmati, viza, o‘qitish va ko‘niktirish uchun BHMning 10 baravari miqdoridagi to‘lov fuqaro hisobidan.

Ro‘yxatdan o‘tish (muhandis).
Ro‘yxatdan o‘tish (oyna ishlab chiqarish ishchisi).
Ro‘yxatdan o‘tish (elektrik).

Ushbu talablarga mos keluvchi fuqarolar quyidagi havola orqali 7-iyun soat 9:00 dan 18:00 ga qadar ro‘yxatdan o‘tishlari mumkin.