Жиззахда фуқаро маҳалладошини тош билан уриб, ўлдириб қўйди

Ижтимоий тармоқларда тарқалган “Даладан жонсиз одам топилди” изоҳи билан видеотасвир юзасидан Жиззах вилояти ИИБ маълумот берди.

Қайд этилишича, ушбу тасвирларда Жиззах вилояти Фориш тумани “Қорабдолота” маҳалла фуқаролар йиғинида яшовчи А.П. акс этган. У маҳалладоши С.Р. томонидан тош билан етказилган жароҳат оқибатида вафот этган.

Гумонланувчига нисбатан Жиноят кодексининг 104-моддаси (қасддан баданга оғир шикаст етказиш) 3-қисми “д” банди билан жиноят иши қўзғатилган.

Бундан олдин Хоразм вилояти Шовот туманида эр хотинининг бошига 17 марта болта билан уриб, ўлдириб қўйгани, Фарғона вилояти Риштон туманида эркак хотинини рашк сабаб пичоқлагани, Тошкент вилояти Ангрен шаҳрида 9-синф ўқувчиси ўзидан икки ёш кичик болани ўлдириб қўйгани тўғрисида хабар берилганди.