Toshkent viloyati Angren shahrida 9-sinf o‘quvchisi o‘zidan ikki yosh kichik bolani o‘ldirib qo‘ydi. Viloyat Maktabgacha va maktab ta’limi boshqarmasi holat yuzasidan tafsilotlarni ochiqladi.
Ma’lum qilinishicha, 20-mart kuni soat 23:30 lar atrofida Angren shahrida yashovchi, umumta’lim maktabining 9-sinf o‘quvchisi (2008-yilda tug‘ilgan) M.D. 2006-yilda tug‘ilgan O.A. bilan o‘zaro kelishmovchilik natijasida janjallashgan.
Ulardan biri O.A. ushbu janjal natijasida olgan tan jarohatlari oqibatida sog‘lig‘i yomonlashib, vafot etgan. Ayni vaqtda mazkur holat yuzasidan Jinoyat kodeksining 104-moddasi 3-qismi “d” bandi bilan jinoyat ishi qo‘zg‘atilgan hamda surishtiruv ishlari olib borilmoqda.
Toshkent viloyati Maktabgacha va maktab ta’limi boshqarmasi jamoasi ushbu voqea natijasida vafot etgan o‘quvchining oila a’zolari va yaqinlariga hamdardlik bildirdi.
Shuningdek, mazkur holat darsdan tashqari, tungi vaqtda sodir bo‘lgani eslatib o‘tilgan.
Izoh (0)