Кўп йиллар давомида косметика саноатида ўз мавқейига эга ва миллионлаб аёллар томонидан севиб ишлатиладиган машҳур косметика брендлари кимлар томонидан яратилган? Уларнинг тадбиркорлик лойиҳалари нимадан бошланган ва қандай қилиб улкан муваффақият қозонган? Бугун машҳур гўзаллик брендларини яратган шахслар ҳикояси билан танишамиз.
Эжен Шуэллер, L’Oréal
L’Oréal брендининг тарихи соч бўёқлари яратилишига бориб тақалади. Шуэллер 1909 йил 30 июлда L’Oréal номи остида аёллар саломатлиги учун хавфсиз соч бўёқлари ишлаб чиқарадиган француз компаниясига асос солди. Сўнг ёш кимёгар Эжен Шуэллер соч бўяш бўйича кичик мактабига асос солди.
Биринчи жаҳон урушидан сўнг компаниянинг муваффақияти ошиб кетди ва L’Оréal бўёқлари нафақат Францияда, балки Голландия, Австрия, АҚШ ва Буюк Британия бозорларини ҳам забт эта бошлади. Кимёгарнинг навбатдаги ютуғи 1925 йилда яратилган сочларга тилло ранг берувчи ва оқартирувчи бўёқ ихтироси бўлди. Шунингдек, Шуэллер аёллар саломатлиги ва гўзаллиги ҳақида Votre Beauté журнали устида иш олиб борган.
Эсте Лаудер, Estée Lauder
Эсте Лаудер ўзининг тадбиркорлик фаолиятини гўзаллик салонларида кремлар сотишдан бошлади: аёллар сочларини қуритиш вақтида мижозларга ўзининг маҳсулоти ҳақида сўзлаб берарди. Кейинчалик 1946 йилда у турмуш ўртоғи билан Нью Йоркда биринчи Estée Lauder дўконини очди ва улар бизнесни кенгайтиришга ва гўзаллик корпорациясини қуришга муваффақ бўлди. Компания бошқа йирик брендлар: МАC Cosmetics, Bobbi Brown, La Меr кабилардан ўзиб кета бошлади.
Эсте маркетинг даҳоси бўлган ва ижтимоий тармоқлар яратилишидан анча аввал косметика маҳсулотларини сотишда шахсий бренд муҳимлигини тушунган. Лаудер харидорлар билан шахсан учрашиш ва гўзаллик мавзусида ёзувчи нашр журналистлари билан мулоқот қилиш учун мамлакат бўйлаб тез-тез саёҳат қилди.
Фрэнк Тоскен ва Фрэнк Анжело, МАC Cosmetics
Визажист ва фотограф Фрэнк Тоскен ҳамда гўзаллик салони раҳбари Френ Анжело 1984 йилда МАC Cosmetics брендини яратди. Уларнинг биринчи маҳсулоти пушти лаб бўёқлари бўлиб, Анжело салонларидан бирининг ошхонасида яратилган. Маҳсулот тезда машҳурликка эришди ва мазкур бренд ҳозирда кўплаб турдаги лаб бўёғини ишлаб чиқаради.
Бренднинг биринчи дўкони Торонтода очилди. Салон машҳур инсонлар ва санъаткорлар учун гўзаллик майдонига айланди. Бренд яратувчилари ходимлар тажрибасини ошириш учун сармоя киритди ва хизмат кўрсатиш сифатини доимий равишда оширди.
1995 йилда компаниянинг ярми Esтée Lauder корпорацияси томонидан сотиб олинди ва натижада МАC янада ривожланишга ва географик жиҳатдан кенгайишга муваффақ бўлди.
Оливье Боссан, L’Оccitane
Бир куни 23 ёшли Оливье парли дистиллятни топиб олди ва дўстидан ижарага олган омборда лаванда ва розмарин ўсимликларидан эфир мойларини тайёрлай бошлади. Маҳсулотлар сотуви секин-аста оша бошлади ва Оливье ташландиқ совун заводини сотиб олиб, йирик ишлаб чиқаришни йўлга қўйди. Биринчи маҳсулот хушбўй Marsel совуни деб номланди. Тез орада Боссан ўзининг илк дўконини очишга муваффақ бўлди.
Изоҳ (0)