Швейцария Сенати Украинага армия эҳтиёжлари учун 5,6 миллиард доллар ва 11,1 миллиард доллар миқдоридаги қўшимча фавқулодда ёрдамни рад этди. Бу ҳақда парламент сайтида эълон қилинди.
Сенат кенгаши 3 июнь куни 15 овозга қарши 28 овоз билан билан Европада Швейцария ва жаҳон хавфсизлик ва тинчлик жамғармасини яратишни рад этган.
2030 йилгача армия яна 10 миллиард франк (тахминан 11,1 миллиард доллар), Украина эса 5 миллиард франк (тахминан 5,6 миллиард доллар) олиши керак эди, — дейилади ҳужжатда.
Қўшимча қилинишича, ҳукумат ва Сенат бунга қарши чиққан, чунки армия ва Украина учун харажатлар режалаштирилган, шунинг учун уларни фавқулодда харажатлар сифатида кўриб бўлмайди.
Аввалроқ Швейцария ҳукумати 2036 йилгача Украинани қайта тиклашни қўллаб-қувватлаш учун 5,5 миллиард доллар ажратмоқчи эканлигини, 2028 йилгача эса 1,66 миллиард доллар ажратилишини айтган эди.
Шунингдек, Сенат матбуот хизмати Украина бўйича тинчлик саммитига 11-17 миллион долларгача маблағ сарфлаш режалаштирилганини маълум қилган. Харажатлар делегациялар сони ва уларнинг даражасига боғлиқ бўлади. Саммит 15—16 июнь кунлари Бургенштокда бўлиб ўтади. Унга Европа Иттифоқи, БРИКС ва G20 давлатларидан 160 дан ортиқ делегациялар таклиф этилган.
Изоҳ (0)