UFC 302. Ислом Махачев Порьени муддатидан олдин мағлуб этди ва чемпионлик камарини сақлаб қолди

АҚШнинг Ню-Жерси штатида Ўзбекистон вақти билан 2 июнь тонгида UFC 302 мусобақаси бўлиб ўтди.

Кечанинг асосий жанги Ислом Махачев ва Дастин Порье ўртасида кечди. Биринчи раундда Махачев Порьени тейкдаун ёрдамида партерга олди. Ислом рақибини бўғишга уринди. Порье эса вазиятдан чиқиб кетиши қийин бўлди. Дастин биринчи раундни тўлиқ ерда ўтказди.

Иккинчи раунд ҳам Махачевнинг устунлиги билан якунланди. Учинчи раунднинг бошида Порье икки бор тизза зарбасини ўтказиб юборди. Яна ҳужумга ўтган Ислом рақибини тейкдаунга олди. Раунд сўнггида икки жангчи ҳам зарбалар алмашиб олди. Тўртинчи раундда жангчилар яна бир-бирига зарбалар билан жавоб қайтарди.

Бешинчи раундда эса Ислом Порьени бўғиш услубида мағлуб этди.

UFC 302 турнирининг қолган натижалари билан танишинг:

• Шон Стрикленд (28-6) тўлиқ давом этган жангда Пауло Коста (14-3) устидан очколар эвазига ғалаба қозонди;
• Кевин Ҳолланд (26-11) Михал Олексейчук (19-8) устидан 1-раундда ғалаба қозонди;
• Жаилтон Алмейда (21-3) Александр Романовни (17-3) 1-раундда бўғиш услубида мағлуб этди;
• Ренди Браун (19-5) Elizeу Залески дос Сантосни (24-8-1) очколар ҳисобига мағлубиятга учратди;
• Роман Копилов (13-3) Сезар Алмейдани (5-1) очколар ҳисобига мағлуб этди.