Тошкентнинг икки туманида “свет” вақтинча ўчирилади 

Тошкентнинг Бектемир ва Олмазор туманларида “свет” вақтинча ўчирилади. Бу ҳақда “Тошкент шаҳар электр тармоқлари” ахборот хизмати хабар берди.

Маълум қилинишича, бунга истеъмолчиларга сифатли ва барқарор электр энергияси етказиб берилишини таъминлаш ва электр тармоқларидаги авариявий ҳолатларни олдини олиш ҳамда мавжуд электр қурилмаларида таъмирлаш ишларини олиб бориш сабаб бўлади. 

Шу боис, эртага, 4 июнь куни қуйидаги манзилларда электр таъминоти вақтинча ўчирилади:

• Бектемир тумани: “Ҳусайн Бойқаро”, “Устозлар”, “Абай” ҳамда “Бектемир”  МФЙларининг айрим ҳудудларида соат 08:00 дан 17:00 гача;
• Олмазор тумани:  “Олтинсой”, “Ислом ота”, “Қичқириқ”, “Истиқбол”, “Ғалаба”, “Табассум”, “Бўстонобод”, “Шодиёна”, “Янги Тошкент”, “Мояриқ”, “Аҳил” ҳамда “Элпарвар” МФЙларининг айрим ҳудудларида соат  08:00 дан 17:00 гача.

“Ўз навбатида, юқоридаги ҳудудларда таъмирлаш ишлари белгиланган вақтдан аввалроқ якунланиши мумкинлигини билдириб ўтамиз”, — дейилади хабарда.