Нигерияда юз берган умуммиллий иш ташлаш оқибатида мамлакатнинг йирик вилоятлари электр тармоғидан узилиб қолди. Бу ҳақда CNN нашри хабар берди.
Манбада айтилишича, мамлакатда касаба уюшмалари етакчилигида йирик иш ташлашлар кузатилган. Паст иш ҳақи олувчи ишчилар мамлакат электр тармоғини узиб қўйган.
Нигериядаги умуммиллий иш ташлаш оқибатида ҳаво қатнови ҳам тўхтаб қолган. Электр йўқлиги туфайли йирик корпорацияларда иш тўхтаб қолган.
Электр таъминотидан узилиб қолган фуқаролар сони бир неча ўн миллионга етиши мумкинлиги айтилган. Вилоятлар марказларида намойишчилар ва расмийлар ўртасида тўқнашувлар юзага келгани хабар қилинган.
Олдинроқ касаба уюшмалари ҳукумат билан федерал энг кам иш ҳақини ошириш бўйича музокаралар олиб боргани хабар қилинган. Ҳар қанча саъй-ҳаракатларга қарамай, музокаралар муваффақиятсиз тугаган. Бу ҳам етмагандек, ҳукумат электр энергияси тарифларини ҳам оширган.
Нигерия Африканинг тўртинчи йирик иқтисодиёти бўлишига қарамай, мамлакат энг кам иш ҳақи миқдори бўйича қитъанинг биринчи ўнталигига ҳам кирмайди. Бу ерда ишчилар ойига 465,4 доллар атрофида даромад топади.
Изоҳ (0)