Американинг SpaceX компанияси Нигерияга Starlink тармоғи интернет хизматларидан фойдаланиш имкониятини тақдим этди. SpaceX Twitter’да қайд этганидек, ушбу мамлакат Африка қитъасида компания хизматларини қўлга киритган биринчи давлат бўлди
“Starlink энди Нигерияда — ушбу хизматни олган биринчи Африка давлатида”, — дейилади хабарда.
Starlink — дунё аҳолисини кенг кўламда интернет билан таъминлашга қаратилган янги авлод сунъий йўлдош тармоғи. Лойиҳани амалга ошириш 2018 йил февраль ойида бошланган. Унинг мақсади дунёнинг исталган нуқтасида юқори тезликдаги интернетга киришни таъминлаш. Умуман олганда, тармоқни яратишнинг биринчи босқичида 12 мингга яқин сунъий йўлдошни учириш режалаштирилган.
Аввалроқ SpaceX компанияси Филиппинда Starlink сунъий йўлдош хизматини ишга туширишни режалаштираётгани, бу Жануби-шарқий Осиёдаги биринчи шундай ҳодиса бўлиши ҳақида хабар берилганди.
Изоҳ (0)