Нигерияда 30 май куни ҳукуматга мухолиф гуруҳ томонидан уюштирилган теракт оқибатида камида 11 нафар фуқаро ҳалок бўлди. Бу ҳақда Al-Jazeera нашри хабар берди.
Қуролли ҳужум Нигерия жанубидаги Абиа штатида юз берган. Штат чегарасидаги ўтказув пунктига кутилмаган ҳужум уюштирилган.
Расмийлар ҳужумда маҳаллий биафра қабиласи аъзоларидан тузилган қуролли отрядларни айблаган. Ушбу гуруҳ узоқ вақтдан бери ҳукуматдан мустақиллик талаб қилиб келиши айтилган.
Ҳужум содир этилган Аба шаҳри чеккасидаги Обикабия чорраҳасида олти нафар тинч аҳоли ва беш аскар ҳалок бўлгани тасдиқланган. Исёнчи гуруҳни тўла қуроллантириш учун ҳарбийлар ҳаракат бошлагани айтилган.
“Ҳарбийлар бу ҳодисага жавоби шиддатли бўлади. Гуруҳнинг тўлиқ мағлубиятини таъминлаш учун биз уларга катта ҳарбий босим ўтказамиз “, — деган ҳукумат расмийлари.
Биафра гуруҳи қуролли ҳужум учун жавобгарликни ўз бўйнига олмаган. Тинч аҳоли ўлимига сабаб бўладиган ҳар қандай қуролли ҳаракатларга алоқадорлигини рад этган.
- Маълумот ўрнида, Абиа штати туб ерли аҳолисидан тузилган қуролли отрядлар Нигерия жанубида 1967 йил 30 май куни мустақил Биафра давлати ташкил этилганини эълон қилган.
- Бунга жавобан Нигерия марказий ҳукумати унга нисбатан уруш эълон қилган. Уч йил давом этган фуқаролар уруши оқибатида мустақил Биафра тугатилган.
- Ҳарбий ҳаракатлар оқибатида 1967—1969 йилларда бир миллионга яқин киши ҳалок бўлгани айтилади.
- Уруш якунида Абиа маъмурияти 30 май кунини штат ҳудудида миллий мотам куни деб эълон қилган.
- Айнан миллий хотира кунида теракт содир бўлиши Нигерия ҳукуматини туб ерли аҳолидан шубҳаланишга ундаган.
Изоҳ (0)