“Челси” ва “Эвертон”нинг собиқ бош мураббийи Фрэнк Лэмпард “Бёрнли”ни бошқариши мумкин, дея хабар беради таниқли журналист Николо Шкира Х (собиқ Twitter) ижтимоий тармоғида.
Манбага кўра, англиялик собиқ футболчи “Бёрнли” жамоасини бошқариши мумкин бўлган номзодлар рўйхатидан жой олган.
Аввалроқ “Бёрнли” собиқ бош мураббийи Венсан Компани “Бавария” билан 2027 йилнинг ёзига қадар шартнома имзолагани маълум бўлганди. Клуб мутахассис бошқа жамоага ўтгани учун тахминан 12 миллион евро олади. Ҳозирда вақтинчалик бош мураббий сифатида Компанининг собиқ ёрдамчиси Крейг Беллами ишламоқда.
Эслатиб ўтамиз, Лэмпарднинг сўнгги иш жойи Лондоннинг “Челси”си бўлиб, у ерда 2023 йилнинг апрелидан июлигача мураббийлик қилган. Бунгача англиялик мутахассис 2022 йилнинг январидан 2023 йилнинг январигача “Эвертон”да бош мураббий бўлиб ишлаган.
Изоҳ (0)