Исроил парламентарийлари мухолифатнинг мамлакатда муддатидан олдин сайловлар ўтказиш таклифи ортидан парламентни тарқатиб юбориш тўғрисидаги қонун лойиҳасини тақдим этди.
Бу ҳақда The Times of Israel нашри қонун лойиҳаси муаллифи, “Миллий бирлик” партиясидан депутат Пнина Тамано-Шата баёнотига асосланиб хабар берди.
“7 октябрь биздан орқага қайтиб, халқ ишончини қайтадан қозонишни талаб қиладиган фожиа бўлди. Эндиликда биз хавфсизлик, иқтисодиёт ва биринчи навбатда, барқарор бирдамликка эга ҳукуматни қуришимиз керак”, — дейилади хабарда.
Аввалроқ партия етакчиси Бенни Ганцнинг ўзи 2024 йил сентябригача муддатидан олдин сайловлар ўтказишга чақирган эди. Бош вазир Бенямин Нетаньяхунинг “Ликуд” партияси бу таклифни рад этди.
Изоҳ (0)