НАТО чегара яқинида Россия ҳудудига ядровий зарбалар бериш амалиётини ўтказмоқда. Бу ҳақда Федерал хавфсизлик хизмати (ФХХ) вакили Владимир Кулишов хабар берди.
Россия чегараси яқинида НАТОнинг разведка фаоллиги, альянс қўшинларининг тезкор жанговар тайёргарлиги кучаймоқда, бу даврда Россияга қарши жанговар операцияларни ўтказиш, шу жумладан, бизнинг ҳудудимизга ядровий зарбалар бериш сценарийлари ишлаб чиқилмоқда, — дейди Кулишев.
Кулишевга кўра, бундай ҳолат чегараларни ҳимоя қилиш ва қўриқлаш бўйича тегишли чоралар кўришни тақозо этади.
Аввалроқ НАТО бош котиби Йенс Столтенберг Украина Россия ҳудудидаги ҳарбий нишонларга ҳужум қилиш ҳуқуқига эга эканлигини айтганди. Унинг қўшимча қилишича, баъзи иттифоқчилар зарбалар бўйича тегишли чекловларни аллақачон бекор қилган, шунингдек, бошқа чекловларни ҳам бекор қилиш вақти келган.
Россия ТИВ раҳбари Сергей Лавров Столтенбергнинг баёнотларини изоҳлар экан, у ўз ваколатларидан ошиб кетганига ишора қилган.
Ғарб сиёсатчиларининг сўнгги жанговар баёнотлари фонида Россияда Владимир Путин топшириғи билан Жанубий ҳарбий округ ракета тузилмаларининг машғулотлари бошланди. Ушбу манёврларда стратегик бўлмаган ядро қуролларини қўллаш машқ қилинади.
Изоҳ (0)