Украина президенти Владимир Зеленский Украина Россия билан урушда ғалаба қозонганидан кейин НАТОга аъзо бўлишига ишончи комил. Зеленский бу ҳақда альянс бош котиби Йенс Столтенберг иштирокида НАТО стандартлари бўйича профессионал ҳарбий таълим курслари ўтаётган офицерлар билан қўшма учрашувда айтиб ўтди.
“Менинг шахсий фикримча, биз урушда ғалаба қозонганимиздан кейин НАТОга қўшиламиз. Уруш давом этаётган пайтда бизни НАТОга қабул қилишмайди. Бу ташкилотнинг бошқа аъзолари учун катта таҳдид бўлади. Тўлиқ кўламли урушни бошдан кечираётган Украинанинг даражаси ҳеч кимда шубҳа уйғотмаслиги керак. Бизда турли йўналишлар бўйича юқори даражали мутахассислар бор”, — дея таъкидлади Зеленский.
Президент Украинанинг альянсга қўшилиши ҳақидаги қарор альянсга аъзо барча мамлакатларнинг якдил фикрга келишига боғлиқлигини қўшимча қилди.
“Украинани сиёсий жиҳатдан НАТОга қабул қилиш учун ғалаба талаб этилади”, — деди Зеленский.
Изоҳ (0)