Пул мукофотига эга чиққан Шамсиддин Воҳидов, Гроссмейстер талабини бажарган Мадаминов. “Шаржаҳ Мастерс—2024” мусобақаси якунланди

БАА давлатининг Шаржа шаҳрида 80 дан ортиқ шахматчилар ўртасида “Sharjah Masters — 2024” турнири ўз ниҳоясига етди. 

Мусобақада 2700 рейтингдан юқори бўлган Аржун Эрагиси, Парҳам Магҳсоодлоо каби тажрибали шахматчилар ҳам қатнашди. 

Ўзбекистонлик Муҳиддин Мадаминов якунланган “Sharjah Masters — 2024” турнирида 2603 перформанс кўрсатиб, гроссмейстерликнинг сўнгги талабини бажарди. Шундай қилиб, Муҳиддин Ўзбекистоннинг 29-гроссмейстерига айланди. 

Шамсиддин Воҳидов турнирни 4-бўлиб якунлади. Гарчи у дастлабки учта ўриндаги шахматчи билан бир хил натижа, яъни 6,5 очко тўплаган бўлса-да, лекин қўшимча натижаларга кўра, учталикка киролмай қолди. Шамсиддин бутун турнир давомида 2860 перформанс билан бошқалардан юқори натижа кўрсатди. 

У Аржун Эригаиси, Ю Янгйи, Парҳам Магҳсоодлоо каби кучли шахматчиларни ортда қолдиришга муваффақ бўлди. 

Шунингдек, турнирда қатнашган Жавоҳир Синдоров 5,5 очко, Жаҳонгир Воҳидов 3,5 очко жамғарди.

Шамсиддин Воҳидов ташкилотчилар томонидан 5000 АҚШ доллари пул мукофоти билан тақдирланди.