Uzbekistan Airways томонидан Ҳаж-2024 мавсумига 124 та чартер йўловчи парвозлари амалга оширилиши режалаштирилган. Бу ҳақда компания ахборот хизмати раҳбари Дилором Каимбаева маълум қилди.
Қайд этилишича, Ҳаж-2024 дастури доирасидаги барча авиақатновлар Boeing 767 самолётларида амалга оширилади.
Республика аэропортларида рўйхатдан ўтиш вақтида йўловчилар иссиқ нонушта билан таъминланади. Парвоз давомида эса Ўзбекистон Мусулмонлари идораси талабларини инобатга олган ҳолда тайёрланган махсус таомлар тарқатилади.
Бундан ташқари, Uzbekistan Airways Sales филиали томонидан Ўзбекистондан Саудия Арабистонига зиёратчиларни олиб бориш даврида кассирларнинг кеча-ю кундуз ишлаши ташкил этилган.
Эслатиб ўтамиз, Ўзбекистонда ҳаж мавсуми 2024 йил 23 майдан бошланади. Республикадан Саудия Арабистонига 7 июнга қадар ҳар куни авиақатновлар амалга оширилади.
Мамлакатнинг 10 та ҳудудий аэропортидан тўғридан тўғри:
- Тошкент—Мадина,
- Бухоро—Мадина,
- Наманган—Мадина,
- Фарғона—Мадина,
- Самарқанд—Мадина,
- Қарши—Мадина,
- Термиз—Мадина,
- Урганч—Мадина,
- Нукус—Мадина
- Навоий—Мадина авиарейслари орқали зиёратчилар ҳаж сафарига кузатилади.
Ўзбекистон фуқаролари учун умумий ҳаж квотаси 15 минг нафар этиб белгиланди.
Изоҳ (0)