Бу машҳурлар ўқишни ёки оила қуришни хоҳламайди — уларнинг орзуси карьера ва юқори даромад эди. Улар имтиҳон ва коллежга кириш ташвишларини ортга ташлаб, болаликданоқ севимли иши билан шуғулланишни бошлаган.
Thе Weeknd
Thе Weeknd оиласи Торонтонинг нотинч ҳудуди бўлган Скарборода яшаган. 11 ёшида ёмон одатларга ўралашиб қолгани ҳам шундан — 17 ёшида эса уларсиз ҳаётини тасаввур қила олмасди. Аммо кейинчалик мактабни ташлаб, икки дўсти билан бир хонали эски квартирани ижарага олади ва ижод билан жиддий шуғулланади. Thе Weeknd қора ўтмишининг фақат битта нарсаси ҳозиргача ўз билан бирга — мусиқа.
Леонардо Ди Каприо
Дастлаб Ди Каприо актёрлик карьерасини орзу қилмаган — унинг мақсади микробиолог бўлиш эди. Бироқ акаси реклама роликларида рол ўйнаш орқали ўн минг доллар ишлаб топганини кўриб, Лео ўзини фильмларда синаб кўришга қарор қилади. Ёш Ди Каприо кастинглар пайтида доимо мактабдан қочади, кейинчалик эса ўқишни бутунлай ташлаб кетади.
Дэниэл Редклифф
Энг машҳур актёр фақат Хогвартсдагина ўқишдан завқ олади. Аммо Дэниэл Редклиффнинг ҳақиқий мактаб билан муносабатлари яхши эмасди. Дислексия — матнни ўқиш ва эслаб қолиш қийинлиги билан тавсифланган касаллик қўшимча қийинчиликларни келтириб чиқаради. Бундай касаллик билан дарслардан завқланиш мумкинми?
Рианна
Рианнанинг болалиги ҳам ташвишсиз ўтмаган. Синфдошларининг хўрлаши, қашшоқлик, отасининг алкоголли ичимликларга бўлган қарамлиги ... Рианна нажотни фақат мусиқадан топади. Аста-секин унинг севимли машғулоти ишга айланади — юлдуз Def Jam Recordings билан шартнома имзолайди ва Нью-Йоркка кўчиб ўтади.
“Мактабда мени доим масхара қилишарди. Улар нима сабабдан бундай қилишганини тушунмаяпман. Теримнинг ранги учунми? Мен ўзимни қурбондек ҳис қилмайман — бундан миннатдорман. Менимча, бу тажриба мени мусиқа соҳасида ишлашга тайёрлаш учун Худо томонидан юборилган”, — деб эслайди қўшиқчи.
Райан Гослинг
Деярли ҳар бир бола бир марта бўлса ҳам севимли мультфильмларида бўлишни орзу қилган. Райан Гослингга бу насиб қилади: 90 йилларнинг ўрталарида у “Микки Маус клуби” шоусида рол ўйнай бошлайди. Бундай муваффақиятдан кейин у зерикарли дарсларга қайтишни хоҳламайди. Мактабга келганида ҳам ҳаммани ўзига қаратиб, ҳақиқий шоу кўрсатарди.
Кети Перри
Кети Перрининг ўта диндор ва қаттиққўл ота-онаси ҳатто у қандай китоб ўқишини ҳам назорат қилган. Масалан, улар сеҳргарлик ҳақида бўлгани учун ҳам “Гарри Поттер”ни ўқишни тақиқлашади. Бироқ 15 ёшли Перри ўқишни ташлаб ижод қилишга қарор қилганида, уни ҳеч ким тўхтата олмайди.
“Аммо ўқишдан воз кечганимдан, ҳатто ўрта мактабни ҳам тугатмаганимдан жуда афсусдаман. Ўша пайтда бундай қилмаганимда, ҳозир ўқишимга тўғри келмасди”, — дейди санъаткор саводсизлигидан хафа бўлиб.
Изоҳ (0)