Россияда давлат хизматчилари ва давлат сирларидан хабардор ходимларнинг чет эл сафарлари устидан назорат кучайтирилади. Бу ҳақда “Известия” хабар берди.
Россия давлат Думасига тегишли қонун лойиҳаси киритилиши кутилмоқда. Унга кўра иш берувчилар давлат сирларига кириш ҳуқуқига эга ходимларнинг хорижий паспортларини текшириши мумкин бўлади. Ташаббус аллақачон “Ягона Россия” фракциясининг қонунчилик фаолияти бўйича экспертлар кенгаши томонидан маъқулланган.
“Хорижга чиқиш паспортини тақдим этиш давлат сирларига эга бўлган россияликларнинг рухсатсиз саёҳат қилишлари билан боғлиқ муаммони ҳал этишда ёрдам беради. Агар ходим рухсат олмай Россиядан чиқиб кетган бўлса, буни паспортдаги белгиларни солиштириш орқали аниқлаш осон бўлади. Ҳуқуқбузарлик учун санкция сифатида паспорт ҳақиқий эмас деб топилади”, — дейди давлат Думаси хавфсизлик қўмитаси раиси ўринбосари Анатолий Viboрний.
Депутат гап қонунчиликни қатъийлаштириш эмас, балки юзага келган чақириқ ва таҳдидларни ҳисобга олган ҳолда такомиллаштириш ҳақида кетаётганини айтди. Ўз навбатида, Россия бош прокурори ўринбосари Николай Винниченко қонун лойиҳасини тўлиқ қўллаб-қувватлашини билдирди.
Изоҳ (0)