Ижтимоий ҳимоя миллий агентлиги Хитойда ижтимоий ҳимояга муҳтож фуқароларни қўллаб-қувватлаш ва ҳимоя қилишда муҳим рол ўйнайдиган учта муассаса тажрибасини ўрганиб қайтди. Бу ҳақда агентлик матбуот хизмати хабар берди.
Булар:
Шанхай Болалар тиббиёт маркази. Қайд этилишича, марказ педиатрия, болалар жарроҳлиги ва алоҳида эҳтиёжли болаларни реабилитация қилиш соҳасидаги салмоқли ютуқлари билан ажралиб туради. Марказда имконияти чекланган болалар саломатлиги ва ҳаёт сифатини яхшилаш борасида фаол ишлар олиб борилмоқда.
Вояга етмаган болаларни ҳимоя қилиш маркази. Ушбу марказ қийин вазиятларга тушиб қолган болаларнинг ҳаётини яхшилаш учун курашади ва оилаларини қўллаб-қувватлаш устида иш олиб боради.
Шанхай реабилитация ускуналари кўргазма маркази. Бу марказ ногиронлар ва кексалар учун уларни реабилитация қилиш ва соғлиғини сақлашга қаратилган кенг турдаги ёрдамчи ускуналарни тақдим этади. Ушбу марказ имконияти чекланганлар ҳаёт сифатини яхшилашга хизмат қиладиган воситалардан фойдаланиш имконини беришда муҳим аҳамият касб этади.
-Uq8eiVTk.jpg)
Бу каби муассасаларнинг тажрибаларини ўрганиш орқали адолатли ва инклюзив жамият қура олишимизга ишончимиз комил, — дейди агентлик директорининг биринчи ўринбосари Шаҳноза Мирзиёева ушбу марказлар ҳақида ўз саҳифасида ёзиб қолдирган постида.
Ижтимоий ҳимоя миллий агентлиги матбуот хизматининг билдиришича, агентлик шу каби билан ҳамкорликни ва бу йўналишдаги саъй-ҳаракатларни оширишда давом эттиради.
Изоҳ (0)