АҚШ президенти Жо Байден Украинага 400 миллион долларгача ҳарбий ёрдам ажратиш ҳақидаги фармонни имзолади. Ҳужжат матни 10 май куни Оқ уй сайтида эълон қилинди.
Байден ўз фармони билан АҚШ Давлат котибига Украинага мудофаа товарлари ва хизматлари, шунингдек, ҳарбий тайёргарлик учун 400 миллион долларгача ёрдам ажратишни буюрди.
Politico хабарига кўра, ёрдам пакетига Америка ҳарбий омборларидаги қуроллар киради: Patriot ҳаво ҳужумидан мудофаа ракеталари, Stinger зенит ракеталари, Bradley пиёдалар жанговар машиналари, МRAP зирҳли машиналари, Javelin танкка қарши тизимлари ва бошқа ўқ-дорилар.
Reuters’нинг маълум қилишича, Киевга артиллерия, NASAMS зенит-ракета комплекслари учун ўқ-дорилар, танкка қарши ўқ-дорилар, зирҳли машиналар ва жанг майдонида дарҳол фойдаланиш мумкин бўлган ўқ-дорилар берилиши керак.
24 апрель куни Байден Конгресснинг иккала палатаси томонидан маъқулланган Украинага 61 миллиард долларлик ёрдам пакетини имзолаган эди.
Изоҳ (0)