ЕЧЛ. “Боруссия Дортмунд” Парижда ҳам “ПСЖ”ни мағлуб этиб, финал йўлланмасини қўлга киритди

Футбол бўйича Европа Чемпионлар Лигаси ярим финал жавоб ўйинида “ПСЖ” ва “Боруссия Д” жамоалари 7 май, сешанба куни ўзаро тўқнаш келди.

Учрашувнинг биринчи бўлимида хавфли вазиятлар бўлишига қарамасдан дарвозлар ишғол этилмади.

Иккинчи бўлимни эса дортмундликлар гол билан бошлади. Матс Ҳуммелс боши билан дарвозани ишғол қилди. Қолган дақиқаларда дарвозалар дахлсизлиги сақланиб қолди ва Дортмунд жамоаси Чемпионлар Лигасининг дастлабки финалчисига айланди.

Эслатиб ўтамиз, жамоалар ўртасидаги биринчи ўйинда “Боруссия Д” 1:0 ҳисобида ғалаба қозонган эди.

Иккинчи ярим финал баҳсида “Реал” ва “Бавария” жамоалари ўзаро кураш олиб боради. Улар ўртасидаги ўйин 8 май, чоршанба куни бўлиб ўтади.

ЕЧЛ

1/2 финал

7 май, сешанба

“ПСЖ” – “Боруссия Д” 0:1

Гол: 0:1 — 50 Ҳуммелс

“ПСЖ”: Доннарумма, Ҳакими, Маркиньос, Лукас Бералдо, Мендеш, Фабиан Руис (Асенсио, 63), Витиня, Заир-Эмери (Ли Кан Ин, 76), Дембеле, Мбаппе, Гонсалу Рамуш (Барколя, 63).

“Боруссия Д”: Кобел, Рюерсон, Ҳуммелс, Шлоттербек, Матсэн, Забицер, Жан, Брандт (Нмеча, 85), Санчо (Зюле, 67), Адееми (Ройс, 56), Фюллькруг.

Огоҳлантиришлар: Забицер (64), Ҳуммелс (65), Дембеле (75), Ҳакими (84).