Франция президенти Эммануэл Макрон “ПСЖ” футболчиси Килиан Мбаппе Париж Олимпиадасида иштирок этишига умид қилмоқда.
“Ўтган ҳафта стадионда Килианнинг отаси билан кўришиб қолдим (хайрия ўйинида). Унга савол бердим. Мбаппенинг отаси эса ўғли Олимпиадада ўйнаш истаги борлигини маълум қилди.
Барча Европа клублари ўз футболчиларига бундай эркинлик беради деб умид қиламан. Француз клублари буни амалга оширади, бошқа клублар ҳам бундан ўрнак олса керак. Олимпиада шукуҳи янада юксалиши керак”, — дейди Макрон.
Аввалроқ, Мбаппе “Реал”га ўтиши, клуб билан шартнома борасида келишувга эришгани хабар қилинганди. Мадридликлар эса Килианни Олимпиадага қўйиб юбормаслигини таъкидлаганди.
Мбаппе 2018 йилдан буён парижликлар шарафини ҳимоя қилиб келади. Футболчининг жамоа билан битими 2024 йил ёзига қадар мўлжалланган. Жорий мавсум Килиан барча мусобақаларда 45 та ўйин ўтказиб, 43 та гол ва 10 та голли узатмага муаллифлик қилди.
Изоҳ (0)