Portugaliyalik mutaxassis Joze Mourinyo 2004-yilgi Chempionlar Ligasi finalida “Monako”ga qarshi o‘yinda (3:0) “Portu” bilan g‘alaba qozongani haqida gapirdi.
“20 yil o‘tdi. 20 yil ichida ko‘plab murabbiylar Chempionlar Ligasida g‘alaba qozondi, ammo hech kim bir ishni uddalay olmadi. Ular yirik klublar, katta byudjetli, eng yaxshi futbolchilar ishtirok etgan turnirda g‘olib chiqdi. Mendek hech kim Chempionlar Ligasida g‘alaba qozona olmadi”, — dedi Mourino EA Sports Korea nashriga.
Portugaliyalik murabbiyning so‘nggi klubi “Roma” bo‘lib, u 2024-yilning yanvarida uni tark etgan. Mutaxassis Italiya klubini 2021-yilda qabul qilib olgan edi.
- 2021—2022-yilgi mavsumda “Roma” Konferensiyalar Ligasida g‘alaba qozondi.
- 2022—2023-yilgi mavsumda “bo‘rilar” Yevropa Ligasi finaliga qadar yetib bordi.
Mourinyo qo‘l ostida “Roma” jami 96 ta o‘yin o‘tkazdi. Ularda rimliklar 44 marta g‘alaba qozongan, 23 marta durang o‘ynab va 29 marta mag‘lubiyat alamini totib ko‘rgan.
Avvalroq Mourinyo “Tottenhem”, “Manchester Yunayted”, “Chelsi”, “Real”, “Inter”, “Portu”, “Leyriya” va “Benfika” klublarini ham boshqargan.
Izoh (0)