Ўзбекистонда келаси ҳафта бошида ҳаво ҳарорати 34 даражагача кўтарилади 

“Ўзгидромет” 6–8 май кунлари республика ҳудудида кузатиладиган об-ҳаво прогнозини эълон қилди.

Қорақалпоғистон Республикаси ва Хоразм вилоятида ҳаво бир оз булутли бўлади, 6 майда ёғингарчилик кутилмайди. 7–8 майда баъзи жойларда қисқа муддатли ёмғир ёғади, момақалдироқ бўлиши мумкин. Шарқий шамол йўналишини ўзгартириб, ғарбдан 7-12 метр/секунд тезликда эсади, 7–8 майда баъзи жойларда 13-18 метр/секундгача кучайиши мумкин. Ҳарорат кечаси 6 майда 12-17 даража, 7–8 майда 14-19 даража, кундузи 6–7 майда 25-30 даража, 8 майда 23-28 даража бўлади.

Бухоро ва Навоий вилоятларида ҳаво бир оз булутли бўлади, 6 майда ёғингарчилик кутилмайди. 7–8 майда баъзи жойларда қисқа муддатли ёмғир ёғади, момақалдироқ бўлиши мумкин. Шарқий шамол йўналишини ўзгартириб, ғарбдан 7-12 метр/секунд тезликда эсади, 7–8 майда баъзи жойларда 13-18 метр/секундгача кучайиши мумкин. 6 майда кечаси 12-17 даража, кундузи 25-30 даража; 7–8 майда кечаси 15-20 даража, кундузи 29-34 даража бўлади.

Тошкент, Самарқанд, Жиззах ва Сирдарё вилоятларида ҳаво бир оз булутли бўлади, ёғингарчилик кутилмайди. Шамол шарқдан 7-12 метр/секунд тезликда эсади. Ҳарорат 6 майда кечаси 10-15 даража, кундузи 23-28 даража; 7 майда кечаси 13-18 даража, кундузи 25-30 даража; 8 майда кечаси 13-18 даража, кундузи 28-33 даража бўлади.

Қашқадарё ва Сурхондарё вилоятларида ҳаво бир оз булутли бўлади, ёғингарчилик кутилмайди. Шамол шарқдан 7-12 метр/секунд тезликда эсади. Ҳарорат 6 майда кечаси 12-17 даража, кундузи 26-31 даража; 7 майда кечаси 14-19 даража, кундузи 29-34 даража; 8 майда кечаси 15-20 даража, кундузи 29-34 даража бўлади.

Андижон, Наманган ва Фарғона вилоятларида ҳаво бир оз булутли бўлади, 6 майда баъзи жойларда ёмғир ёғади, момақалдироқ бўлиши мумкин, 7–8 майда ёғингарчилик кутилмайди. Ғарбий шамол йўналишини ўзгартириб, шарқдан 7-12 метр/секунд тезликда эсади. Ҳарорат кечаси 12-17 даража, кундузи 6 майда 22-27 даража; 7–8 майда 25-30 даража бўлади.

Республиканинг тоғли ҳудудларида ҳаво бир оз булутли бўлади, 6 майда баъзи жойларда ёмғир ёғади, баъзи жойларда кучли бўлади, момақалдироқ бўлиши мумкин, баланд тоғларда қорга айланиши мумкин. 7–8 майда ёғингарчилик кутилмайди. Тошкент вилоятининг тоғли ҳудудларида (2000 метрдан юқорида) қор кўчиши хавфи бор. Ғарбий шамол йўналишини ўзгартириб, шарқдан 7-12 метр/секунд тезликда эсади, баъзи жойларда 15-20 метр/секундгача кучаяди. Ҳарорат 6 майда кечаси 2-7 даража илиқ, кундузи 11-16 даража; 7 майда кечаси 5-10 даража, кундузи 10-15 даража; 8 майда кечаси 5-10 даража, кундузи 15-20 даража бўлади.