O‘ta yengil vazn toifasida harakat qilayotgan Umar Nurmagomedovning keyingi jangi e’lon qilindi.
Nurmagomedov 3-avgust kuni Abu-Dabida bo‘lib o‘tadigan UFC Fight Night turnirining asosiy jangida Kori Sendxagenga qarshi oktagonga ko‘tariladi.
Jang 5 raunddan iborat bo‘ladi.
Nurmagomedov va Sendxagen 2023-yilning avgust oyida to‘qnash kelishi kerak edi. Biroq Umarning jarohati tufayli jang qoldirilgandi.
Nurmagomedov mart oyida Bekzat Almaxan ustidan g‘alaba qozongan edi. Umar MMA’dagi barcha 17 ta jangida zafar quchgan.
Kori esa avgust oyida Rob Fontni hakamlar qaroriga ko‘ra ma‘lub etgandi. Uning hisobida 17 ta g‘alaba va 4 ta mag‘lubiyat bor.
Izoh (0)