Москва Украинадаги F-16 самолётларини модификациясидан қатъи назар, ядровий қурол ташувчи сифатида қабул қилади. Бу ҳақда Россия ТИВ баёнотида айтилади.
Яқин келажакда Америкада ишлаб чиқарилган кўп функцияли F-16 самолётлари Украина амалиётлар театрида (УАТ) пайдо бўлиши кутилмоқда. Ушбу самолётлар қандай модификацияда етказиб берилишидан қатъи назар, биз уларни ядро қуроли ташувчиси сифатида қабул қиламиз ва АҚШ ҳамда НАТОнинг бу қадамини мақсадли провокация деб ҳисоблаймиз, — дейилади вазирлик хабарида.
ТИВ шунингдек, Москва Америкада ишлаб чиқарилган қуруқликдаги ўрта ва қисқа масофали ракеталар (INF) пайдо бўлган вақтда ва қаерда бўлмасин, муносабат билдириш ҳуқуқини ўзида сақлаб қолишини таъкидлади.
Вазирлик, шунингдек, илгари эълон қилинган илмий-тадқиқот ишлари ва Россия ҳарбий-саноат мажмуасининг тўпланган ишланмаларини ҳисобга олган ҳолда, бу жараён кўп вақт талаб қилмаслигини айтган.
ТИВ баёнотида Қўшма Штатлар аввалроқ тегишли шартнома бўйича тақиқланган ўрта ва қисқа масофали ракеталарга эга қуруқликдаги тизимларни турли минтақаларда жойлаштириш йўлини очиқ ва аниқ тутганлиги маълум қилинган.
Изоҳ (0)