Суперлига. “Қизилқум” “Нефтчи”га қарши баҳсда сўнгги дақиқалардаги гол эвазига мағлубиятдан қутулиб қолди (видео)

Футбол бўйича Ўзбекистон Суперлигасининг 6-туридан ўрин олган “Қизилқум” — “Нефтчи” учрашуви 6 май, душанба куни бўлиб ўтди.

Учрашувнинг 23-дақиқасида Шоҳруз Норхонов ҳисобни очди. 

Биринчи бўлим фарғоналикларнинг кичик устунлиги билан якунланди. Иккинчи бўлимда эса хавфли ҳужумлар кўп бўлса-да, ўйиннинг охирида Навоий жамоаси ҳисобни тенглаштиришга муваффақ бўлди. 90+3-дақиқада Шаҳбоз Жўрабеков ўз номини таблога ёздириб қўйди. 

Учрашув 1:1 ҳисобидаги дуранг натижа билан якунланди. 6 май кунги баҳсдан сўнг турнир жадвали қуйидагича кўриниш олган:

Суперлига

6-тур

6 май, душанба

“Қизилқум” – “Нефтчи” 1:1

Голлар: Шоҳруз Норхонов, 23 (0:1), Шаҳбоз Жўрабеков, 90+3 (1:1).

“Қизилқум”: 12. Робертс Озолс, 7. Даврон Анваров (10. Элгужа Лобжанидзе, 61), 8. Гиорги Кухианидзе, 11. Акаки Шулая, 13. Николай Тарасов, 17. Муҳаммадали Ғиёсов, 25. Азизбек Усмонов, 27. Шаҳбоз Жўрабеков, 37. Шерзод Файзиев (79. Диёр Рахматиллоэв, 83), 71. Жамолиддин Убайдуллаев (4. Илҳом Ваҳобов, 73), 77. Файзуллобек Жуманқўзиев (23. Самандар Шукуруллаев, 46).

“Нефтчи”: 35. Санжар Қувватов, 4. Боян Сигер, 8. Каталин Карп, 10. Шоҳруз Норхонов (77. Билолхон Тошмирзаев, 65), 11. Жавоҳир Қаҳрамонов (24. Ғуломҳайдар Гулямов, 65, 17. Санжар Қодирқулов), 14. Хуршид Мухторов, 19. Мирзоҳид Ғофуров (55. Манучеҳр Сафаров, 46), 20. Анвар Ғофуров, 23. Диёр Туропов, 70. Аббос Ғуломов, 99. Эффионг Нсунгуси (18. Михай Роман, 85).

Огоҳлантиришлар: Манучеҳр Сафаров (59), Ғуломҳайдар Гулямов (70), Илҳом Ваҳобов (90+6).