Килиан Мбаппе Усейн Болт билан пойга қилиш истаги ҳақида фикр билдирди

Франциялик футболчи спринтер Усейн Болт билан пойга қилиш таклифини рад этмаслигини айтиб ўтди. 

Аввалроқ енгил атлетика бўйича саккиз карра Олимпиада чемпиони шундай деган эди: “Мен Мбаппе билан 100 метрга ўзимнинг энг яхши спорт формамда рақобатлашишни истардим. У югуриб, натижани кўришимга рухсат бериши керак”.

“Усейн Болтдек одамни илҳомлантирганимни билиш жуда ёқимли. У ҳам барчани илҳомлантиради. Менимча, ҳамма Усейн Болтнинг югуришини томоша қилиш учун ярим тунгача кутиб ўтирар эди. Айтишим мумкинки, мен уни ҳайратда қолдиришимдан анча олдин мен унинг натижаларидан руҳланар эдим.

Менда ҳеч қандай имконият йўқ. Агар иккаламиз ҳам вақт топсак, нима учун буни бажариб кўрмаслик керак!? Мен ҳеч қандай натижа кутмайман, лекин бу завқли”, —деди “ПСЖ” ҳужумчиси Килиан Мбаппе Brut’га берган интервьюсида.

38 ёшли ямайкалик енгил атлетикачи 8 карра Олимпиада чемпиони ҳисобланади. У — 100 (9,58 сония) ҳамда 200 (19,19 сония) метрга югуриш бўйича жаҳон рекордчиси.